На нашем сайте Вы можете найти услуги для проведения торжеств в 17 городах Казахстана.
Выберите город и услуги для проведения торжеств:
Мақалаға қатысты мәлімет
  • Орнатқан: arystan
  • Күні: 8-06-2013, 23:46
  • 0
361- рет көрілді

Тілек білдіру

Категориясы: Асаба парағы

Айдарынан күн сүйіп, күнге күйсін маңдайы!
Жотасына май сіңіп, құрғамасын таңдайы!
Ері болсын елінің, ар-намасын сақтайтын!
Гүлі болсын жерінің, шаң-тозаңга батпайтын!
....................................................

Мекен етсін жанұяңда жақсылық,
Өсе берсін бөбектері шат күліп.
Ортаймасын қуанышың, бақытың,
Әлдилесін жақсы тілек, тәтті үміт.
......................................................
Құтты болсын бесігің, артық болсын несібің!
Дастарханың жайылып, ашық болсын есігің!
Құтты болсын бүгінгі шілдехана тойларың,
Тілектерің қабыл боп, орындалсын ойларың!
...................................................

Сәби көңілі жай болсын, мың жылқылы бай болсын
Айдағаны тай болсын, шайнағаны май болсын!
Азын-аулақ дәулеті күнде өзіне той болсын,
Жұртта қалған жұрыны домалап келіп қой болсын
Жұртта қалган тулағы тулап тай болсын,
Тай болсын да туласын - бір құрдасы сұрасын...
.............................................................

Нәрестеміз өмірлі болсын,
Тұрмысы оның көңілді болсын!
Ата-анасына мейірлі болсын!
Ағайын-туысқа пейілді болсын!
Өнеге-білімге зейінді болсын!
Тұла бойы тұнған өнер болсын,
Он саусағы майысқан шебер болсын!
Ел қорғайтын батыр болсын,
Шындық айтар ақын болсын!
Ел билейтін әкім болсын,
Әділдікке жақын болсын!
Халқым деген жүрегі болсын,
Жұртының қамқор тірегі болсын!
Абыройы өрлесін,
Ел алдында ерлесін!
Қазақ үшін терлесін
Еш жамандық көрмесін!...........
.................тағы да 100 шумақты тек тіркелген пайдаланушылар көре алады.

Мақала белгілері: Той тілектері, поздравления на казахском, бата, баталар, лебіздер, тілек үлгілері

Мақалаға қатысты мәлімет
  • Орнатқан: arystan
  • Күні: 5-08-2012, 20:50
  • 100
180648- рет көрілді

ҚЫСҚА БАТАЛАР

Категориясы: Баталар » Басқа да баталар

Бізге берген етіңіз,
Ниетінізге жетініз.
Қыл көпірден өткенде,
Құламай тіке өтіңіз!
...........................................
Шадияр болсын доcтасың,
Мұхаммед болсын- қостасың.
Қызыр болсын жолдасың,
Лұқпан болсын кұрдасың.
Сүрініп кеткен жеріңде,
Жеті әулие жетелеп,
Кереметімен қолдасын!
Құдай жарылқасын,
Бақ қарасын,
Қыдыр дарысын.
Айдан аман,
Жылдан есен қылып,
Үйде, түздегі
Мал-басты аман қылсын!
.......................................
Әумин десең бізге,
Бата берелік сізге.
Жасың жетсін жүзге,
Мал мен басты,
Иман мен жасты,
Қабат бермейді екен деп,
Тәңіріден күдер үзбе!

Мақала белгілері: БАТА

Мақалаға қатысты мәлімет
  • Орнатқан: arystan
  • Күні: 5-08-2012, 20:47
  • 80
22233- рет көрілді

АЛҒЫС БАТАЛАР

Категориясы: Баталар » Алғыс, сақтандыру

Сұрасаң бата берейін,
Ықыласпен қол жайсаң,
Үстем болсын мерейің.
Басыңа бақ орнасын,
Қызыр болсын жолдасың.
Дастарханың мол болсын,
Абыройың зор болсын.
Уа, Жаратқан, жарылқа!
Мезгілсіз келер өлімнен сақта,
Кездейсоқ келген келіннен сақта
Дауылдың кәрінен сақта,
Жыланның зәрінен сақта,
Аяқ астынан келетін
Бәле-жаланың бәрінен сақта!
...............................................

Пейіліңе қонақжай,
Бата берем, қолың жай:
Ақ жарылған жүрегің,
Қабыл болсын тілегің.
Бізге сойдың қой,
Үйіңнен кетпесін той.
Қызығына қанып,
Ішпей-жемей той.
Бізге астың бас,
Берсін саған ұзақ жас.
Ауыздықтап асауды,
Асудан асуға ас!
Сыйлап бердің етіңді,
Жарылқасын бетіңді.
Енді әкелдің сорпаңды,
Орындатсын қолқаңды.
Рахмет дәміңе,
Ризалық берсін бәріңе.
Аман болып басыңыз,
Жүзге жетсін жасыңыз!
....................................................
Маған жаптың шапан,
Көңілде болмасын қапаң.
Маған мінгіздің ат,
Қыз ұзатып, қызығына бат!
Маған атадың жол,
Ұл есіріп, мәре-сәре бол!
Маған бердің ет,
Келін түсіріп, тілегіңе жет!
Маған бердің сауға,
Басың түспесін дауға!
Алдыма салдың мал,
Алладан рахмет ал!

Мақала белгілері: Бата

Мақалаға қатысты мәлімет
  • Орнатқан: arystan
  • Күні: 5-08-2012, 18:59
  • 0
42985- рет көрілді

ЖОЛҒА ШЫҒАРДА БЕРІЛЕТІН БАТАЛАР

Категориясы: Баталар » Жолпға жүргенде


Батырдың жолы болсын!
Самсаған қолы болсын!
Жауына долы болсын!
Жортқанда жолы болсын!
Ісінің оңы болсын!
Сапарың сәтті болсын,
Татқаның тәтті болсын.
Заманың шаттықта болсын,
Ұл-қызың бақытты болсын,
Өренің өрге өрлесін,
Озат болып ерлесін,
Биіктерге төрлесін.
Қауіп-қатер төнбесін,
Жаманшылық кермесін,
Бақ жұлдызы сенбесін!
Отырған жерің орда болсын,
Барған жерің базар болсын.
Жүзің жарқын болсын,
Тілің алтын болсын.
Жортқанда жолың болсын,
Мерейің үстем болсын!
От пен судан сақтасын,
Пәле-жаладан сақтасын,
Аман-есен бол,
Өсіп-еніп мұратыңа жет!
.......................................
Көп жаса, молда бол,
Өмірің ұзақ болсын!
Ұстағаның алтын болсын,
Тілді бол,
Жүзің жарқын болсын!
Таудай тақ бергенше,
Бармақтай бақ берсін!
Жортқанда жолың болсын,
Жолдасың қыдыр болсын!
Ассалам аузыңда болсын,
Әлейкүмасалам шылауыңда болсын.
Бақ-дәулет басыңда болсын,
Қос дәулет қолыңа қонсын!
................................................
Балаңның көңілі жай болсын,
Мың жылқылы бай болсын,
Айдағаның қой болсын,
Шайнағаның май болсын.
Азын-аулақ дәулетің,
Күнде өзіңе той болсын.
Жұртта қалған жұрының,
Домалап келіп қой болсын.
Жұртта қалған тулағың,
Тулап келіп тай болсын.
Тәңірі берген несібең тепкілесе кетпесін,
Желінің о шеті мен бұ шетіне,
Оқ шырқатсаң жетпесін.
Сенен байлық өтпесің.
Кетпес дәулет берсін,
Кең пейіл берсін!
......................................
Жарылқа тәңірім, қабыл ет,
Жарылқаудың қамын ет.
Тәңірден не тілесе, соны әмір ет!
Бұған назар,
Сәнкебайдың малы мен басын бер,
Ұрпағына хакім
Лұқпанның жасын бер!
..........................................
Әумин десең, міне, бата,
Төріңде жорғаласын Қыдыр ата.
Қайда жүрсең жолың болсын,
Жолдасың Қыдыр болсын!
Қайырлы ғып дәулет берсін,
Өмірлі ғып перзент берсін.
Ол көрген перзентіңе,
Лұқпан хакімнің жасын берсін.
Көре алмаушы пендең болса,
Қорғаушың Алла болсын.
Не тілеген тілегіңді қабыл алғасын,
Қабылдағанын нәсіп алмасын.
Қайда жүрсең аман-есен жолың болсын.
Жол үстінен баға жүр,
Әр пәледен қаға жүр!
...........................................
Абылайдай орда бол,
Ақ тілеулі жолда бол!
Қабанбай мен Бөгенбай
Бастап кеткен қолда бол!
Жәнібектей өрде бол,
Төле бидей төрде бол!
Қазыбек пен Әйтеке,
Айтып кеткен жерде бол!
Балам, балам, бақты бол,
Досқа жұмсақ, дұшпанға қатты бол.
Жиреншедей жезтаңдай,
Қаусырма жақты бол!
Өр бол көкжал Барақтай,
Жауды бетке қаратпай.
Ұланы бол үш жүздің –
Құйрық пенен қанаттай.
Айтып өткен нақылды,
Аплатондай ақылды,
Шыңғыс төре ұлындай,
Алашқа жай, атыңды.
Ұлық бол да, кішік бол,
Ынжық емес, пысық бол.
Дүние бір итжығыс,
Додасына түсіп көр!
Атан тартпас алып бол,
Адам таппас жарық бол,
Қағанағың қарқ бол,
Сағанағың сарқ бол,
Қызың - қияға, ұлың ұяға қонып,
Қызығына қарық бол!
.............................................
Үй іші, үрім-бұтақ аман болсын,
Дастархан жиылмайтын тағам болсын.
Табиғат таусылмайтын ризық беріп,
Бірі - малсақ, бір ұлың дана болсын.
Бақ қарасын,
Қыдыр дарысын,
Ел-жұртыңның жырт намысын!
................................................
Ісіңе ақылың серік болғандай,
Әділетсіздің айтқанын тәлік қылғандай,
Талабың бар бала екенсің!
Сөзің дұшпанға дозақ болсын,
Досыңа шырақ болсын.
Өмір жасың ұзақ болсын!
Жүзің жарқын, жолың ашық болсын.
Лебізіңе ел-жұртың ғашық болсын,
Әкеңнің кеткені келіп, кемтігі толсын!
...............................................
Балам, жауға бармас болар,
Барса жаудан қашпас болар.
Балам, жау қолына түспес болар,
Тұссе шынын айтпас болар.
Балам, жаудан өлмес болар,
Өлсе де адамшылық арын бермес болар
Балам, амандығыңды Аллаға,
Адамшылық арыңды өзіңе тапсырдым!
.............................................
Адалдық пейіл менен санаң болсын,
Ұл мен қыз алтау-жетеу балаң болсын.
Балаңның бәрі бірдей момын болмай,
Біреуі ел билейтін адам болсын.
Артыңда содырлы іні,
Алдыңда қадірлі ағаң болсын,
Соғымды қысты күні семіз сойып,
Сары қымыз сапырулы сабаң болсын.
Төрт бақыт, жеті байлық жолдас дейтін,
Осының барлығы да саған қонсын.
Қадірлі халық ішінде әділ болып,
Осы айтқаным осымен тәмам болсын.
...................................................
Ақ жүрек болып жолдасың,
Адалдық сені қолдасын.
Жақсылық ұшін тірессең,
Жаныңды арың қорғасын.
Арынды болсын шабысың,
Алымды болсын табысың.
Найзадай болсын намысың,
Ер жігітке бәрі сын.
Қиындық көрсең мұқалма,
Ауырлық көрсең жұқарма.
Қамқоршы бол кішіге,
Үлкеңді үлгі тұт алға!
.......................................
Әуелі Қудай оңдасын,
Әруақтар қолдасын.
Бақыт, дәулет, бас пен мал,
Басыңа мәңгі орнасын.
Төрт құбылаң сай болсын,
Саған қастық ойлаған
Ғұмырында оңбасын.
Ақылды бол, арлы бол,
Бақытты бол, малды бол,
Қатарыңның алды бол!
Алшыдан сақаң жатпасын,
Шаужайдан ешкім қақпасын.
Етектен жұлқып тартпасын,
Азамат болсаң адал жүр,
Құдай сені сақтасын.
...........................................
Қартайып қалған шағында
Ағарып кеткен шашы да,
Ата-анаңды асыра,
Үлкеніңді сыйласаң,
Жас қосылар жасыңа,
Бас қосылар басыңа,
Ас қосылар асыңа.
Дұшпандарың дірілдеп,
Келе алмай тұрар қасыңа.
..................................
Атың, атың, ату бол,
Ағайынмен тату бол.
Жаз кигенің құлпы бол,
Қыс кигенің түлкі бол.
Бағаналы таудай бол,
Шағалалы көлдей бол.
Болшыл, болшыл, болшыл бол,
Бозторғайдай төлшіл бол.
Адам таппас сөзді бол,
Ор қояндай көзді бол.
Бұрама темір, сом алтын –
Суға салса батпасын.
Тәңір берген несібең
Тепкілесе кетпесін.
Қастық қылған адамың
Мұратына жетпесін.
Айтса - қарғыс, тисе - көз,
Дарымасын, өтпесін!
Есігіңнің алды ой болсын,
Қораң толы қой болсын.
Қазаныңда қайнаған,
Кілкілдеген май болсын!
.......................................
Құдая, құлымын дегейсің,
Мұхаммед үмбетімін дегейсің.
Шадияр досым дегейсің.
Имам ағзамның қауымында қыл,
Шайтанның сәрінен сақта,
Патшаның кәрінен сақта.
Намаздың қазасынан,
Қиямет жазасынан сақта.
Пайғамбардың туында қыл,
Аузы кәусардың суыңда қыл.
Иман байлығын бер,
Деннің саулығын бер.
...........................................
Әуелі тәңірім оңдасын,
Оң жолына бастасын.
Ғайып ерен, қырық шілтен
Жолдасың боп қорғасын.
Малың менен басыңа
Еш жамандық болмасын,
Әруақ жебеп әрқашан,
Жолыңды Тәңірім оңдасын.
Баба түкгі Шашты Әзиз,
Болсыншы сенің жолдасың.
Бақыт берсін басыңа,
Береке берсін асыңа.
Келмесін дұшпан қасыңа.
Қаз дауысты Қазыбек,
Шақшақ ұлы Жәнібек,
Адассаң жолға сала жұр,
Пәле-жаладан қаға жүр.
Қыздарың моншақты болсын,
Ұлдарың оншақты болсын.
Достарың беркелі болсын,
Жүрген жерің той-думан, мерекелі болсын!
Көш көлікті болсын,
Мал төлді болсын!
Айың оңыңнан тусын,
Жұлдызың солыңнан тусын!
Бағың жанып,
Жұлдызың жарқырай берсін!
Жортқанда жолың болсын,
Жолдасың қыдыр болсын!
Қысталаңда жол тап,
Қысылшаңда сөз тап.
..................................................
Жолыңды Алла қолдасын,
Жаманшылық болмасын.
Серті мен сөзінде түратын,
Сенімді болсын жолдасың.
Жолыңды кесем дегендер,
Әрқашан да оңбасын.
Сәтті болып істерің,
Жақсы болсын түстерің.
Жұмсақ болып төсегің,
Жұғымды болсын ішкенің.
Көрмеген жерді көріп қайт,
Қайырылып сәлем беріп қайт.
Ырзыгың сыртта шашылса,
Оны да түгел теріп қайт.
Айдарыңнан жел есіп,
Желіп барып, желіп қайт.
Дақ түспей ар мен басыңа,
Бақ қосылсын бағыңа.
Сау-саламат өзіңмен,
Кездесейік тағы да.
...................................................
Талмайтын талап берсін,
Самғайтын қанат берсін.
Баянды бақыт берсін,
Ұзақ ғұмыр, тұрлаулы уақыт берсін.
............................................................
Оралуың тез болсын,
Қасқа жолдың бойында
Қыдыр бабам кез болсың.
Өзің жайлы жат елде,
Жылы-жылы сөз болсын.
........................................
Дозақтағы оттан саңтасын,
Қаңғыған оқтан сақтасын.
Адассақ жолға сала көрсін,
Сүрінсек қолдал ала көрсін,
Кездессе шайтан қаға көрсін.
Жақсылармен жанастырсын,
Жамандардан адастырсын.
.......................................................
Білімің қатарыңнан асып өтсін,
Бақытың абыроймен тасып өтсін.
Артыңнан өлмейтүғын ат қалдырьш,
Жалғанда жалпағынан басып өтсін.
................................................................
Жүсіптің дидарын берсін,
Мұхамбеттің иманын берсін.
Жаныңа даланың кеңдігін берсін,
Әзірет Әлидің ерлігін берсін.
Абылайдың байрағын берсін,
Бауыржан батырдың айбарын берсін!.
Еліңе ырыс-құт орнасын,
Жеріңе тыныштық орнасын!
Өсек-аяңның құрбаны болма,
Озбырлардың шұлгауы болма!
Алыс жолдарда,
Қалың орманда,
Тайғақ мұздарда,
Қилы құздарда
Көлденең келер қазадан,
Жазықсыз төнген жазадан,
Әулие-әмбиелер қорғасын,
Ата-баба, аруақтар қолдасын!
.....................................................
Ат сұрасаң - ат берем.
Батырлығың байқалса,
Сауыт берем ақберен.
Мұратыңа жете бер,
Күннен күнге өсе бер.
Ұзақ болып өмірің,
Өміріңнің түйінін,
Өз қолыңмен шеше бер.
...........................................
Оң болсын балам сапарың,
Молықсын дәмің, татарың.
Туған елің тапсырған,
Парызын өте Отанның.
Барып келіп жатыр ғой,
Өзіңдей жастар - қатарың.
Халықтың сүйген тірегі,
Сом темірдей білекті,
Арыстандай жүректі,
Анаңның сүтін ақтай біл.
Ақ батаны берейік,
Бере гөр деп тілекті!
.......................................
Өмірлі бол, қарағым,
Таудай болсын талабың!
Қар үстіне от жанар,
Қалаушы тапса қалауын.
Бақыт қонсын басыңа.
Аулақ болсын ажалың.
Беделі болып еліңе,
Өтімді болсын базарың.
Өрге жүзсін өнерің,
Сынбасын сагың, ажарың,
Өз құрбыңның алды бол,
Бақытты бол, малды бол.
Бақытыңа мастанып,
Бола көрме қанды қол.
................................................
Берсін тілекті.
Әуелі Құдай оңдасын:
Әмбі-әулие қолдасын.
Қыдыр менен Қырық шілтен,
Пірің болсын жолдасың.
Асада жұртқа барғанда,
Қадірлі болсын өз басың.
.........................................

Мақала белгілері: БАТА

Мақалаға қатысты мәлімет
  • Орнатқан: arystan
  • Күні: 5-08-2012, 18:56
  • 0
9618- рет көрілді

ШІЛДЕХАНА ТОЙЫНДА БЕРІЛЕТІН БАТАЛАР

Категориясы: Баталар » Көпшілікке

Амандық берсін басқа,
Береке берсін асқа.
Тілектес болып жасқа,
Ақ бата берейік сізге.
Шөбере-шөпшек көретіндөй.
Жастарың жетсін жүзге.
Ия, Құдайым оңласын,
Әнбие, аруақ қолдасын.
Өміргө келген нәресте,
Ата-әжесінің қуаты болсын,
Ата-анасының мұраты болсын.
Өмірі ғұмырлы болсын,
Білімді, өнерлі болсын.
Көптің қамқор тірегі болсын,
Аузы дуалы, сөзі жүйелі болсын.
Жігіттің данасы, елдің ағасы,
Алтын тонның жағасы болсын!.......................

Мақала белгілері: БАТА

Мақалаға қатысты мәлімет
  • Орнатқан: arystan
  • Күні: 5-08-2012, 18:52
  • 0
6789- рет көрілді

ҰЗАТҚАН ҚЫЗҒА, КЕЛІНГЕ

Категориясы: Баталар » Көпшілікке

Құдайым бұл үйге дұға берсін,
Тіл-аузын дұшпанының буа берсін.
Көліңдер, жай қолыңды, бата берем,
Мен дағы сыйлай берсең жата берем.
Көгерсін көсегең,
Көп болсын төсегің.
Жаялық жайғанда,
Кеппесін неше күн.
Сұлулығың еңбекте,
Еңбектен өнбекте.
Қосағың, серігің -
Адал бол еркекке.
Қосылған жарыңның
Көзіне шөп салма.
Абырой, арыңның
Бетіне дерт салма.

........................................

Құлыным-ау, құлыным,
Халқыңа қалаулы бол,
Еліңе елеулі бол.
Таудай талап бергенше,
Бармақтай бақ берсін.
Ата-енеңе жағымды бол,
Қайынаға, қайныңа қайырымды бол.
Ауылыңа айбарлы бол,
Күйеуіңе жайдарлы бол.
Алдыңнан ай тусын,
Артыңнан күн тусын!
Үлкендердің алдынан
Кесе-көлденең өтпе.
Ата атандырма,
Сұйек сындырма, қалқам!
.........................................

Мақала белгілері: БАТА

Мақалаға қатысты мәлімет
  • Орнатқан: arystan
  • Күні: 5-08-2012, 18:51
  • 0
19302- рет көрілді

ҮЙЛЕНУ ТОЙЫНДА БЕРІЛЕТІН БАТАЛАР

Категориясы: Баталар » Көпшілікке

Ия Алла, хазірөті Мұхаммед!
Тілегімізді қабыл ет,
Ниетімізді кәміл ет,
Рахым-шапағатыңды нәсіп ет.
Бір Құдай өзі оңласын,
Оң жолына бастасын.
Әулие-әмбие, аруақ,
Жебеп, демеп қолдасын.
Кәрім - құран бағыштап,
Ықыласпен берген астарың.
Аман болсын бастарың,
Ұзақ болсын жастарың.
Ақ ниет, ақ тілек қабыл болсын,
Қыдыр дарып, бақ қонсын.
Пейіл ақ, қарын тоқ болсын,
Достарың көп, дұшпан жоқ болсын.
Алла тірілерге ризық берсін,................................

Мақала белгілері: БАТА

Мақалаға қатысты мәлімет
  • Орнатқан: arystan
  • Күні: 5-08-2012, 18:44
  • 40
8507- рет көрілді

СҮНДЕТ ТОЙДА БЕРІЛЕТІН БАТАЛАР

Категориясы: Баталар » Көпшілікке

Би-исми-л-ләһи-р-раһмани-р-рахим,
Мұсылман болдың қарағым,
Кәне бері қарағын.
Шырағын жағар ұлысың
Ата менен ананың.
Таудай болсын талабың,
Алтын менен күмістен
Жасалсын барлық жарағың,
Көрімдігің мінеки
Бар ма тағы қаларың?
Қой сұрасаң - қой берем,
Тай сұрасаң - тай берем
Зат сұрасаң - зат берем,

Әуелі, Құдай оңдай көр,
Оң жолына бастай көр,
Адасса жолға сала көр,
Сүрінсе қолдап ала көр!
Кездессе шайтан қаға көр!
Жұлдыздармен жалғастыр.
Жақсылармен жанастыр,
Жамандардан адастыр!
.....................................................

Мақала белгілері: БАТА

Мақалаға қатысты мәлімет
  • Орнатқан: arystan
  • Күні: 5-08-2012, 18:39
  • 100
12857- рет көрілді

БЕТАШАРДАН КЕЙІН БЕРІЛЕТІН БАТА

Категориясы: Баталар » Көпшілікке

Айналайын, жас келін,
Жұмыртқадан ақ көлін.
Ақ отауға бақ келін,
Жақсылыққа жақ келін.
"Құт қойшының таяғынан,
Жақсы келіннің аяғынан",
Дегендей қазақ атамыз,
Сендерге ақ батамыз.
Жаратқан ием жақ болсын,
Бастарыңа бақ қонсын.
Ұзақ ғұмыр жасың болсын,
Өсіп-өнер басың болсын.
Мінезің сынық, мәйін болсын,
Үлкендерге сәлемің дайын болсын.
Тіл қысқа, сөзің аз болсын,
Қабағың ашық, жүзің жаз болсын...............

Мақала белгілері: БАТА

Мақалаға қатысты мәлімет
  • Орнатқан: arystan
  • Күні: 5-08-2012, 18:32
  • 80
39743- рет көрілді

НӘРЕСТЕГЕ БАТА

Категориясы: Баталар » Жастарға, балаларға

Өркені өссін,
Өрісің кеңейсін.
Ат жалын тартып мініп,
Халқыңның қамын жегейсің.
Тілеуіңді беріп,
Бағыңды ашсын.
Айналып келіп ай мен жыл,
Аман-есен көруге жазсын!
.........................................
Жалғанда кем болмайды баталы құл,
Шашайын батаменен жемісті ГҮЛ.
Дүниеге жаңа келген жас сәбиді,
Өуелі жасын ұзақ, бақытты қыл.
Айбынды қара ормандай шоғырлы қыл
Әр іске аптықпастай сабырлы қыл,
Халқыңа абыройлы, қадірлі қыл,
Тарлықсыз кең пейілді, көңілді қыл.
Ғылымға талапты, ойлы, зейінді қыл,
Оңғарып өр талабын, мәртебесін,
Көтеріп халық апдында пейілді қыл.
Жиынды айтқан сөзін жүйелі қыл,
Өз басын құрбысынан киелі қыл.
Ержүрек Жәнібектей парықты қыл,
Айнымас Сұлеймендей тақытты қыл.
Асырып алты алаштан шешендігін,
Сүр таңдай Жиреншедей жақтылы қыл.
Қарабалуан Жәнібектей жүректі қыл,
Абылайдай отыз ұлды перзентті қыл,
Ұлдарын ер Шорадай келбетті қыл.
Батамды перзентке берген қабыл алып,
Атағын алты алашқа құрметті қыл.

Мақала белгілері: БАТА

Артқа Алға